BAKI, 2 aprel. TELEQRAF
Fransa İranda həbsdə olan iki vətəndaşının hüquqlarının pozulmasına görə bu ölkəyə qarşı Beynəlxalq Cinayət Məhkəməsinə iddia qaldırmağı planlaşdırır.
Teleqraf xəbər verir ki, bu barədə Fransanın xarici işlər naziri Jan-Noel Barro Fransa Milli Assambleyasının Xarici əlaqələr komitəsinin iclasında məlumat verib.
Nazir iki vətəndaşın - Jak Paris və Sesil Kolerin - artıq 1000 gündən çox müddətdir İranda həbsdə olduğunu və onlara qarşı casusluq ittihamı irəli sürüldüyünü bildirib.
Barro bu şəxslərin konsulluq mühafizəsi hüquqlarının ciddi şəkildə pozulduğunu vurğulayıb və Fransanın İrana qarşı bu hüququ pozduğuna görə beynəlxalq məhkəməyə müraciət etməyi planlaşdırdığını qeyd edib. Həmçinin Fransa Aİ vasitəsilə İrana təzyiq göstərməyə və yeni sanksiyalar tətbiq etməyə hazırdır. Aprelin 14-də Aİ xarici işlər nazirlərinin görüşündə bu məsələnin müzakirə edilərək, yeni sanksiyaların qəbul olunacağı açıqlayıb.
