BAKI, 20 iyul. TELEQRAF

Hollivudda avtomobili kütlənin üzərinə sürən və 30 nəfərin xəsarət almasına səbəb olan şəxs həbs olunub.

Teleqraf xəbər verir ki, bu barədə Los-Anceles Polis Departamenti məlumat yayıb.

"O, xəstəxanaya aparılıb, üzərində cərrahiyyə əməliyyatı aparılıb, hazırda vəziyyəti sabitdir. Lakin, o, sərbəst buraxılmayıb, Los-Anceles Polis Departamentinin nəzarəti altındadır. Hazırda ona qarşı qətlə cəhd və ölümcül silahla hücum kimi ittihamlar irəli sürülüb”, - məlumatda deyilir.

***

15:05

Los-Ancelesin Santa Monika bulvarında bir avtomobilin izdihamın üzərinə sürməsi nəticəsində insanlar xəsarət alıb.

Teleqraf "NBC News"a istinadən xəbər verir ki, Los-Anceles Yanğınsöndürmə İdarəsi ən azı 20 nəfərin yaralandığını bildirib.

Yaralananlardan 4-5 nəfərin vəziyyəti ağırdır Digərlərinin isə vəziyyəti orta- ağır və qənaətbəxş qiymətləndirilir.