BAKI, 24 sentyabr. TELEQRAF

“İrana qarşı yeni hücum dalğasının başlaması zaman məsələsidir və İsrail istənilən vaxt qarşıdurmanı yenidən başlatmağa hazırdır”.

Teleqraf xəbər verir ki, bunu “Al-Hadath” telekanalına İsrail rəsmisi deyib.

Mənbə bildirib ki, İran “qırmızı xətt”i keçəcəyi təqdirdə İsrail ABŞ-nin iştirakı ilə və ya təkbaşına yenidən Tehranın nüvə obyektlərinə və müvafiq mərkəzlərə zərbələr endirəcək.

Rəsmi ABŞ-nin İrana qarşı iqtisadi təzyiqini “çox uğurlu” adlandıraraq qeyd edib ki, bu təzyiqlər molla rejimini zəiflədib və onun devrilməsi gözləniləndən daha tez baş verə bilər.

O əlavə edib ki, təmasların davam etməsinə və vasitəçilik səylərinə baxmayaraq, İsrail Tehran və Vaşinqton arasında razılaşma üçün real imkan görmür: “İran vaxtı uzatmaqla ABŞ və İsraildə siyasi şəraitin dəyişəcəyinə ümid edir”.