BAKI, 27 iyul. TELEQRAF

“Həşd əş-Şaabi” qüvvələrinin İrandakı mövcudluğu ABŞ ilə mümkün quru müharibəsinə hazırlıq məqsədi daşıya bilər”.

Teleqraf xəbər verir ki, bunu İraqda fəaliyyət göstərən silahlı təşkilatın nümayəndəsi “Iran International”a deyib.

Mənbə “Həşd əş-Şaabi” qüvvələrinin İranda olması ilə bağlı məlumatları təsdiqləyərək bildirib ki, mövcud şəraitdə onların İranda olması “tamamilə təbiidir.

O qeyd edib ki, qüvvələr İranı dəstəkləmək məqsədilə ölkənin cənubunda yerləşdiriliblər:

“İstər “Həşd əş-Şaabi” adı altında, istərsə də başqa adla olsun, əgər İran, xüsusilə də İslam İnqilabı Keşikçiləri Korpusu (SEPAH) ideoloji baxımdan İrana sadiq iraqlılardan kömək istəsə, bu məqsədlə çoxlu sayda insan göndəriləcək”.