BAKI, 3 aprel. TELEQRAF

Azərbaycanın Yunanıstandakı səfiri Arif Məmmədov 1-2 aprel 2025-ci il tarixlərində Korfuda (Yunanıstan) səfərdə olub.

Teleqraf xəbər verir ki, bu barədə səfir sosial şəbəkə hesabında məlumat yayıb.

Səfər zamanı o, İoniya Universitetinin Beynəlxalq Əlaqələr fakültəsinin tələbələri qarşısında Azərbaycan-Yunanıstan münasibətləri mövzusunda çıxış edib.

İon Universitetinin rektoru Andreas Floros ilə görüşdə tərəflər İon Universiteti ilə Azərbaycan universitetləri arasında potensial əməkdaşlığı müzakirə ediblər.

Səfir həmçinin İon Adaları Regionunun qubernatoru İoannis Trepeklis və Mərkəzi Korfunun davamlı turizmin inkişafı və ictimaiyyətlə əlaqələr üzrə vitse-meri Spiros Chalikiopoulos ilə görüşüb.

Görüşlər zamanı səfir həmsöhbətlərinə Azərbaycan-Yunanıstan əlaqələri barədə məlumat verib, tərəflər turizm və şəhər diplomatiyası sahələrində əməkdaşlıq imkanlarını araşdırıblar.