
Bakı, 29 mart. TELEQRAF
Bakı Təşəbbüs Qrupu (BTQ) və Qvadelupanın Azadlığı naminə Xalq Birliyi (UPLG) arasında Anlaşma memorandumu imzalanıb.
Teleqraf xəbər verir ki, imzalanma mərasimi BTQ-nin təşkilatçılığı ilə keçirilən "Kolonializm: Dini-Milli Kimliyin Silinməsi" adlı beynəlxalq konfrans çərçivəsində baş tutub.
Mərasimdə BTQ-nin icraçı direktoru Abbas Abbasov və UPLG-nin Baş katibi Jan Jakob Bisep iştirak edib.
Memorandum strateji əlaqələri gücləndirəcək və tərəflər arsında sosial, təhsil sahəsində əlaqələri möhkəmləndirəcək.
Qeyd edək ki, bu, BTQ-nin beynəlxalq əməkdaşlıq çərçivəsində 7-ci memorandumdur.