BAKI, 19 oktyabr. TELEQRAF

Bu ilin yanvar-sentyabr aylarında Azərbaycanın neft ixracı 15,8 milyon ton (dəyər ifadəsində 10.1 milyard dollar) təşkil edib.

Dövlət Gömrük Komitəsindən Teleqraf-a verilən məlumata görə, İtaliya Azərbaycanın ən böyük neft alıcısı olub. Hesabat dövründə bu ölkəyə 5,5 milyard dollar dəyərində neft ixrac edilib.

İkinci sırada Çexiya (908,4 milyon dollar), üçüncü sırada Rumınya (644,3 milyon dollar), dördüncü sırada Hindistan (399,2 milyon dollar), beşinci sırada Almaniya (395,7 milyon dollar) yer alıb.