BAKI, 3 aprel. TELEQRAF

İndiyə qədər Trans-Adriatik Boru Kəməri (TAP) vasitəsilə Avropaya 45 milyard kubmetrdən çox qaz tədarük edilib.

Teleqraf xəbər verir ki, bu barədə energetika naziri Pərviz Şahbazov TAP-ın icraçı direktoru Luka Skyeppati ilə görüşü zamanı bildirib.

Nazir görüşlə bağlı “X” sosial şəbkəsindəki hesabında qeyd edib ki, TAP-ın icraçı direktoru ilə sərfəli, etibarlı və dayanıqlı enerji təchizatında Cənubi Qaz Dəhlizinin strateji rolu, TAP boru kəmərinin genişləndirilməsi, eləcə də metan emissiyalarının azaldılması məsələlərini müzakirə ediblər.