BAKI, 26 iyun. TELEQRAF

Ekvador millisi futbol üzrə dünya çempionatının qrup mərhələsinin son turunda Almaniya yığmasını 2:1 hesabı ilə məğlub edərək pley-off mərhələsinə vəsiqə qazanıb.

Teleqraf xəbər verir ki, ABŞ-nin Nyu-Cersi ştatının İst-Raterford şəhərindəki "MetLife" stadionunda keçirilən görüşdə Ekvadorun qollarını 9-cu dəqiqədə Nilson Anqulo və 77-ci dəqiqədə Qonsalo Plata vurublar. Almaniya yığmasının yeganə qoluna isə oyunun 2-ci dəqiqəsində Leroy Sane imza atıb.

Bu nəticədən sonra Ekvador millisi qrup mərhələsini 4 xalla üçüncü pillədə başa vurub və ən yaxşı üçüncü yer sahiblərindən biri kimi pley-offa yüksəlib. Qrupu 6 xalla Almaniya və Kot-d'İvuar yığmaları ilk iki pillədə tamamlayıblar. Kurasao millisi isə 1 xalla sonuncu olub.

***

01:39

DÇ-2026-nın E qrupunda Ekvador və Almaniya yığmaları qarşılaşır.

Teleqraf xəbər verir ki, matçın 78-ci dəqiqəsində Ekvador 2-1 hesabı ilə önə keçib.

***

00:50

DÇ-2026-nın E qrupunda Ekvador və Almaniya yığmaları qarşılaşır.

Teleqraf xəbər verir ki, matçın ilk hissəsi 1-1 hesabı ilə başa çatıb.

***

00:09

Ekvador millisi hesabı bərabərləşdirdi.

Teleqraf xəbər verir ki, Nilson Angulo 9-cu dəqiqədə hesaba tarazlıq gətirib.

***

00:02

Almaniya millisi erkən qolla hesabı açıb.

Teleqraf xəbər verir ki, 2-ci dəqiqədə Leroy Sane fərqlənib.

00:00

***

DÇ-2026-nın E qrupunda Ekvador və Almaniya yığmaları arasında oyun başlayıb.

Teleqraf xəbər verir ki, matç Bakı vaxtı ilə saat 00:00-da start götürüb.

Qarşılaşma qrup mərhələsinin sonuncu - III turu çərçivəsində keçirilir.

Qeyd edək ki, qrupun digər matçında Kurasao Fil Dişi Sahili ilə üz-üzə gəlir.