BAKI, 6 may. TELEQRAF

UEFA Çempionlar Liqasının ilk finalçısı bəlli olub.

Teleqraf xəbər verir ki, yarımfinal mərhələsinin cavab oyununda İspaniya təmsilçisi "Atletiko Madrid” İngiltərənin "Arsenal" komandası ilə qarşılaşıb.

"Emireyts" stadionunda baş tutan oyunun 45-ci dəqiqəsində Bukayo Sakanın vurduğu qol sayəsində “topçular” qələbə qazanıb.

Bununla da "Arsenal" Çempionlar Liqasında 20 ildən sonra finala yüksəlib. Komanda tarixi ərzində yalnız 2005/2006 mövsümündə həlledici qarşılaşmada çıxış edib. Həmin vaxt "topçular" finalda İspaniya "Barselona"sına uduzub - 1:2.

Qeyd edək ki, sabah Almaniya nəhəngi “Bavariya" Fransanın PSJ kollektivi ilə üz-üzə gələcək.