BAKI, 30 aprel. TELEQRAF
Bundesliqa təmsilçilərindən "Bavariya"nın yarımmüdafiəçisi Serj Qnabri İngiltərə Premyer Liqasına qayıda bilər.
Teleqraf xəbər verir ki, "Arsenal" bu yay oyunçunu transfer etməkdə maraqlıdır.
Alman futbolçunun hüquqları 2011-ci ildən 2016-cı ilə qədər London klubuna məxsus olub.
O, bu müddət ərzində "topçular"ın heyətində cəmi 18 oyun keçirib, 1 qol vurub və 1 məhsuldar ötürmə edib.
Serj Qnabri 2017-ci ildə 8 milyon avroya "Verder Bremen"dən "Bavariya"ya keçib. Onun müqaviləsi 30 iyun 2028-ci ilə qədərdir.
30 yaşlı almaniyalı cari mövsümdə Münhen klubunun heyətində bütün turnirlərdə 37 oyunda iştirak edib, 10 qol vurub və 11 məhsuldar ötürmə edib.
.webp)
