BAKI, 29 mart. TELEQRAF

Türkiyə millisinin üzvü və İtaliyanın “Roma” klubunun futbolçusu Zeki Çelik karyerasını “Qalatasaray”da davam etdirə bilər.

Teleqraf xəbər verir ki, Superliqa təmsilçisi artıq 29 yaşlı müdafiəçi üçün hərəkətə keçib.
Çelik maaş məsələsində klubuyla razılığa gələ bilmədiyi üçün mövsümün sonunda azad agent statusunda “Qalatasaray”a keçə bilər.

“Sarı-qırmızılılar” milli üzvünə illik 4 milyon avro maaş təklif etməyi düşünür.

Qeyd edək ki, Zeki Çelik 2022-ci ildən “Roma”da çıxış edir.