BAKI, 10 dekabr. TELEQRAF

Azərbaycan milli komandasının sabiq baş məşqçisi Robert Prosineçkinin yeni iş yeri müəyyənləşib.

Teleqraf xəbər verir ki, 56 yaşlı mütəxəssis Qırğızıstan yığmasının baş məşqçisi təyin olunub.

Bu barədə Qırğızıstan Futbol İttifaqının mətbuat xidməti məlumat yayıb.

Xorvatiyalı məşqçi ilə 3 illik müqavilə imzalanıb.

Qeyd edək ki, Robert Prosineçki 2014-2017-ci illərdə Azərbaycan millisini çalışdırıb. Onun son komandası Monteneqro seçməsi olub.