BAKI, 14 oktyabr. TELEQRAF

Azərbaycan millisi DÇ-2026-nın seçmə mərhələsinin oyununda səfərdə Ukrayna ilə qarşılaşıb.

Teleqraf xəbər verir ki, Polşanın Krakov şəhərində təşkil olunan görüş meydan sahiblərinin 2:1 hesablı qələbəsi ilə başa çatıb.

Ukrayna yığmasının qollarını Oleksey Qutsulyakla (30-cu dəqiqə) Ruslan Malinovski (64) vurublar.

Azərbaycan millisinin yeganə qolunun müəllifi isə rəqibin müdafiəçisi Vitali Mikolenko olub. O, 45+3-cü dəqiqədə topu öz qapısına göndərib.

Bununla da Ukrayna yığması xallarının sayını 7-ə çatdırıb. Ayxan Abbasovun rəhbərlik etdiyi kollektivin 1 xalı var.

***

00:09

DÇ-2026-nın seçmə mərhələsinin Ukrayna - Azərbaycan oyununda növbəti qol vurulub.

Teleqraf xəbər verir ki, görüşün 64-cü dəqiqəsində Ruslan Malinovski komandasını önə keçirib - 2:1.

***
13 oktyabr, 23:50

DÇ-2026-nın seçmə mərhələsinin Ukrayna - Azərbaycan oyununda ikinci hissə start götürüb.

Teleqraf xəbər verir ki, Polşanın Krakov şəhərində təşkil olunan görüşdə hesab bərabərdir - 1:1.

Görüşdə hesabı 30-cu dəqiqədə Oleksey Qutsulyak açıb. 45+3-cü dəqiqədə isə Vitali Mikolenko topu öz qapısına göndərib.

***
13 oktyabr, 23:36

DÇ-2026-nın seçmə mərhələsinin Ukrayna - Azərbaycan oyununda ilk hissə başa çatıb.

Teleqraf xəbər verir ki, Polşanın Krakov şəhərində təşkil olunan görüşdə hesab bərabərdir - 1:1.

Görüşdə hesabı 30-cu dəqiqədə Oleksey Qutsulyak açıb. 45+3-cü dəqiqədə isə Vitali Mikolenko topu öz qapısına göndərib.

***

13 oktyabr, 23:34

DÇ-2026-nın seçmə mərhələsinin Ukrayna - Azərbaycan oyununda hesab bərabərləşib.

Teleqraf xəbər verir ki, görüşün 45+3-cu dəqiqəsində rəqibin müdafiəçisi Vitali Mikolenko topu öz qapısına göndərib.

***

13 oktyabr, 23:16

DÇ-2026-nın seçmə mərhələsinin Ukrayna - Azərbaycan oyununda hesab açılıb.

Teleqraf xəbər verir ki, Polşanın Krakov şəhərində təşkil olunan görüşün 30-cu dəqiqəsində meydan sahibi komandanın hücumçusu Oleksey Qutsulyak adını tabloya yazdırıb.

***

13 oktyabr, 22:45

DÇ-2026-nın seçmə mərhələsində D qrupunun Ukrayna - Azərbaycan oyununa start verilib.

Teleqraf xəbər verir ki, avstriyalı FIFA referisi Sebastyan Qishamerin idarə etdiyi görüş Polşanın Krakov şəhərində keçirilir.