BAKI, 8 avqust. TELEQRAF

"Barselona"nın qapıçısı Mark-Andre ter Ştegen Bordoda keçirdiyi əməliyyatdan sonra komandasının həkimlərini evində qəbul etməkdən imtina edib.

Teleqraf sport.es saytına istinadən xəbər verir ki, qolkiper Barselonaya qayıtdıqdan sonra klubun həkimləri ter Stegenin sağalmasının gedişatını şəxsən yoxlamaq üçün onun şəxsi evinə baş çəkmək istəyiblər.

O, açıq şəkildə bildirib ki, heç bir halda klub həkimlərinin səhhətini yoxlamaq üçün evinə getməsinə icazə verməyəcək.

Bununla belə, oyunçu təyin olunmuş reabilitasiya planına əməl etməyə davam edir və klubun bazasında görünür. Hər şey qrafikə uyğun və pozuntusuz gedir, ancaq klubun ərazisində.

Qeyd edək ki, bundan əvvəl “Barselona” alman futbolçunun intizam məsuliyyətinə cəlb olunduğu üçün kapitan sarğısının ondan alındığını rəsmən açıqlamışdı.