BAKI, 15 iyul. TELEQRAF

“Marca” nəşri ötən mövsüm meydanda ən çox dəqiqə keçirən futbolçuların reytinq cədvəlini dərc edib.

Teleqraf xəbər verir ki, siyahıya İspaniyanın "Real Madrid" klubunun yarımmüdafiəçisi Federiko Valverde başçılıq edir.

Uruqvaylı oyunçu 6 000 dəqiqə həddini keçərək dünya rekorduna imza atıb. 27 yaşlı futbolçu "Real Madrid" və Uruqvay millisinin heyətində 72 oyunda 6 116 dəqiqə meydanda olub.

İkinci sırada 5 796 dəqiqə ilə İngiltərənin "Mançester Yunayted" komandasının və Portuqalıya yığmasının üzvü Brunu Fernandeş qərarlaşıb. İlk üçlüyü İtaliya "Milan"ının və Fransa millisinin qapıçısı Mayk Menyan qapayır. Onun aktivində 5 624 dəqiqə var.