BAKI, 11 iyun. TELEQRAF
ABŞ Silahlı Qüvvələrinin Mərkəzi Komandanlığı (CENTCOM) İranda əlavə hərbi zərbələrin endirilməsinə başlanıldığını açıqlayıb.
Teleqraf xəbər verir ki, bu barədə CENTCOM-un "X" sosial şəbəkəsindəki paylaşımında bildirilib.
Məlumata görə, əməliyyat ABŞ Prezidenti və Silahlı Qüvvələrin Ali Baş Komandanının əmri ilə həyata keçirilir.
"Birləşmiş Ştatların Mərkəzi Komandanlığının qüvvələri Şərq sahili vaxtı ilə saat 17:15-dən etibarən özünümüdafiə məqsədilə İrandakı bir sıra hədəflərə əlavə zərbələr endirməyə başlayıb", - məlumatda qeyd olunub.
CENTCOM zərbələrin əsas məqsədinin ABŞ qüvvələrinin və maraqlarının müdafiəsi olduğunu vurğulayıb.
