BAKI, 6 iyun. TELEQRAF
Fransanın milli bayramı – Bastiliyanın alınması günü münasibətilə 14 iyulda keçiriləcək paradda 10.000 hərbçi iştirak edəcək.
Teleqraf xəbər verir ki, bu barədə " Le Figaro" qəzeti məlumat yayıb.
Nəşrin yazdığına görə, qarşıdan gələn parad ənənəvi dinc dövrdəki bayram şənliyi kimi olmayacaq.
Fransa Prezidenti Emmanuel Makron tərəfindən artıq təsdiqlənmiş plana əsasən, paradda iştirak edən qoşunların sayı ötən illə müqayisədə 15%, yerüstü nəqliyyat vasitələrinin və təyyarələrin sayı isə 30% artacaq.
Nümayiş etdiriləcək avadanlıqların əksəriyyətinin yeni olması gözlənilir. Komandanlıq tankları pilotsuz uçuş aparatlarının nümayişi ilə kompensasiya etməyi planlaşdırır, lakin təhlükəsizlik səbəbləri səbəbindən Şanzelize üzərində kiçik dronların uçuşları dayandırılıb.
Parisin hərbi qubernatoru general Loik Mison qəzetə verdiyi açıqlamada paradın geniş miqyasını və hərbiləşdirilməsini qeyd edərək bildirib ki, parad strateji vəziyyəti nəzərə alaraq təşkil edilib.
