BAKI, 4 iyun. TELEQRAF

"Ədalətli Rusiya - Həqiqət uğrunda" Partiyasının sədri Sergey Mironov Rusiya Prezidenti Vladimir Putinə məktub yazaraq ondan Konstitusiya Məhkəməsinin ölüm cəzasına dair mövqeyinə yenidən baxması təşəbbüsü ilə çıxış etməsini xahiş edib.

Teleqraf TASS-a istinadən xəbər verir ki, söhbət ölüm cəzasına qoyulan moratoriumun ləğvindən gedir.

Mironovun fikrincə, milli təhlükəsizliyə təhdidlər şəraitində terrorçuluğa qarşı mübarizənin hüquqi mexanizmlərinin yenidən qiymətləndirilməsi, eləcə də suverenliyin və vətəndaşların təhlükəsizliyinin qorunması tədbirlərinin gücləndirilməsi zərurəti yaranıb. Deputatın fikrincə, bu, Konstitusiya Məhkəməsinin öz qərarlarında istinad etdiyi beynəlxalq öhdəliklərin aktuallığını itirməsini nəzərə alaraq ölüm cəzasının tətbiqi məsələsinə yenidən baxılmasını tələb edir.

O qeyd edib ki, belə əsas qərarlardan biri Rusiya Federasiyası Konstitusiya Məhkəməsinin 19 noyabr 2009-cu il tarixli qərarıdır ki, buna əsasən ölüm cəzasına moratorium qoymaq niyyəti Rusiyanın Avropa Şurasına dəvət edilməsi üçün əhəmiyyətli əsaslardan biri olub. Mironov əlavə edib ki, 2022-ci ildən etibarən Rusiya bu beynəlxalq təşkilatın üzvü deyil.