BAKI, 13 noyabr. TELEQRAF

İngiltərənin “Mançester Yunayted” klubu Maurisio Poçettinonun baş məşqçi təyin olunduğunu rəsmən açıqlayıb.

Teleqraf xəbər verir ki, bu barədə klubun rəsmi saytı məlumat yayıb.

ABŞ millisinin sabiq çalışdırıcısı ilə 2029-cu ilədək müqavilə imzalanıb.

54 yaşlı mütəxəssis daha əvvəl İngiltərədə “Sauthempton”, “Tottenhem” və “Çelsi” klublarını çalışdırıb. O, həmçinin ABŞ millisinə rəhbərlik edib və komanda ilə 2026-cı il dünya çempionatının 1/8 finalına yüksəlib.

Qeyd edək ki, “Mançester Yunayted” İngiltərə Premyer Liqasının cari mövsümündə keçirdiyi ilk 10 oyunda cəmi bir qələbə qazanaraq turnir cədvəlinin 18-ci pilləsində qərarlaşıb. Komanda növbəti turda noyabrın 22-də səfərdə “Liverpul”la qarşılaşacaq. Görüş Bakı vaxtı ilə saat 20:30-da başlayacaq.