BAKI, 13 noyabr. TELEQRAF
Çin Sədri Si Cinpin noyabrın 18-19-da Şençjen şəhərində keçiriləcək Asiya-Sakit Okean İqtisadi Əməkdaşlıq Təşkilatının (APEC) 33-cü qeyri-rəsmi liderlər sammitinə sədrlik edəcək.
Teleqraf xəbər verir ki, bu barədə Çin Xarici İşlər Nazirliyi məlumat yayıb.
Bildirilib ki, sammit “Asiya-Sakit Okean birliyinin qurulması və ümumi rifahın təşviqi” mövzusuna həsr olunacaq. Si Cinpin tədbirdə çıxış edəcək.
Çin lideri noyabrın 17-18-də APEC-in biznes liderləri sammitinə də qatılacaq və proqram xarakterli nitq söyləyəcək.
Bundan başqa, Si Cinpin sammit iştirakçılarının şərəfinə ziyafət verəcək, xarici ölkələrin liderləri ilə ikitərəfli görüşlər keçirəcək.
