BAKI, 22 mart. TELEQRAF

Rusiya Prezidenti Vladimir Putin çox ağıllı şəxsdir.

Teleqraf xəbər verir ki, bunu ABŞ Prezidenti Donald Trampın xüsusi nümayəndəsi Stiv Uitkoff jurnalist Taker Karlsona müsahibəsində deyib.

"Putin çox ağıllı insandır. Sovet dövründə KQB-yə yalnız ölkənin ən ağıllıları qəbul olunurdu", - Uitkoff vurğulayıb.

Trampın xüsusi nümayəndəsi Moskva səfəri zamanı Putinlə görüşündən təəssüratlarını bölüşüb və Rusiya liderinin peşəkar bacarıqlarına hörmət etdiyini bildirib.

Uitkoff qeyd edib ki, Ağ Ev nümayəndələri Ukrayna münaqişəsinin həlli ilə bağlı danışıqlara hazırlaşarkən Putin haqqında bu detala xüsusi diqqət yetiriblər.