TBİLİSİ, 25 aprel. TELEQRAF

Ötən il 121 425 nəfər Gürcüstandan mühacirət edib.

Teleqraf-ın yerli bürosu xəbər verir ki, bu barədə ölkənin Milli Statistika İdarəsinin hesabatından məlum olur.

İllik müqayisədə qonşu ölkəni tərk edənlərin sayında 50,5% artım qeydə alınıb.

2024-cü ildə Gürcüstana mühacir edənlərin sayı isə illik müqayisədə 34% artaraq 135 811 nəfər təşkil edib.

Hesabat ilində qonşu ölkədən mühacirət edənlərin 85,6%-ni, immiqrantların isə 85,8%-ni əmək qabiliyyətli yaşda (15-64 yaş qrupu) olan şəxslər təşkil edib.

Ötən il immiqrantların 48,2%-i, emiqrantların isə 53,2%-i Gürcüstan vətəndaşları olub.