BAKI, 13 may. TELEQRAF

Kiyevin (Rusiya tərəfindən işğal edilmiş) ərazilərdən imtina etməsi, Zaporojye atom elektrik stansiyasından istifadə və Ukraynanın Qara dənizə çıxışı məsələsi münaqişənin nizamlanması üzrə danışıqların əsas mövzusu olaraq qalır.

Teleqraf xəbər verir ki, bu barədə ABŞ prezidentinin xüsusi nümayəndəsi Stiven Uitkoff bildirib.

“Burada əsas məsələlər (Rusiyanın işğal etdiyi) regionlar, atom elektrik stansiyası və ukraynalıların necə dənizə çıxa bilmələridir. Düşünürəm ki, məsələlərin sayını azaltmaq üçün çox yaxşı iş görmüşük. Əsas məsələlər beş regionla bağlıdır. Rusiya bu bölgələrdən ikisi üzərində böyük nəzarətə malikdir. Ukraynalılar digər üç bölgə üzərində müxtəlif dərəcəli nəzarətə malikdirlər, ona görə də söhbət vəziyyəti necə qiymətləndirməyimizdən gedir”, - Amerika rəsmisi bildirib.