BAKI, 7 mart. TELEQRAF
Polşa Fransanın nüvə çətiri təşəbbüsündə iştirak da daxil olmaqla, nüvə və digər qeyri-ənənəvi silah növlərinə çıxış əldə etməyə çalışmalıdır.
Teleqraf xəbər verir ki, bunu Polşanın Baş naziri Donald Tusk deyib.
"Biz nəzərə almalıyıq ki, Polşa ən müasir imkanlara, o cümlədən nüvə silahı və müasir qeyri-ənənəvi silahlara çıxış əldə etməyə çalışmalıdır. Biz heç kimin tənqidindən qorxmayacağıq - müdafiə qabiliyyətimizi gücləndirməyə kömək edən hər şey həyata keçiriləcək və istifadə olunacaq. Fransızlarla onların nüvə çətiri layihəsi ilə bağlı ciddi müzakirələr aparırıq”, - o, Seymdə çıxış edərkən belə söyləyib.
