BAKI, 6 oktyabr. TELEQRAF

Çin Tayvana Amerika istehsalı olan "F-16V" qırıcılarının tədarükünə qarşı çıxır.

Teleqraf xəbər verir ki, bu barədə Çin Xarici İşlər Nazirliyinin rəsmi nümayəndəsi bildirib.

Məlumata görə, ABŞ-dən alınmış 66 ədəd "F-16V Block 70" qırıcı təyyarəsindən ilk ikisi artıq Tayvana çatıb və adanın cənub-şərqindəki hərbi bazaya eniş edib.

Çin tərəfi isə bu silah satışını qətiyyətlə pisləyib:

"Çinin ABŞ-nin Tayvan bölgəsinə silah satmasına qəti şəkildə qarşı çıxan mövqeyi ardıcıl və aydındır".