BAKI, 3 oktyabr. TELEQRAF
“Minsk ABŞ və Belarus prezidentləri Donald Tramp və Aleksandr Lukaşenko arasında mümkün görüşü nəzərdən keçirir”.
Teleqraf xəbər verir ki, bunu Belarus xarici işlər naziri Maksim Rıjenkov bildirib.
“Biz prezidentlər arasında praktiki görüşü nəzərdən keçiririk”, - nazir deyib.
Rıjenkovun sözlərinə görə, Tramp əvvəllər Lukaşenkonu ABŞ-də keçirilən Sülh Şurasının iclasına dəvət etsə də, Minsk Belarusdan ABŞ-yə uçuşla bağlı texniki çətinliklərə görə dəvəti qəbul edə bilməyib. Xarici işlər naziri izah edib ki, səyahət çətinliyi digər məsələlərlə yanaşı, Avropa İttifaqının Lukaşenkoya qarşı tətbiq etdiyi sanksiyalar və Belarus təyyarələri üçün uçuş məhdudiyyətləri ilə bağlıdır.
