BAKI, 17 sentyabr. TELEQRAF

“İsrail İranın və ya hansısa başqa tərəfin HƏMAS-ı yenidən silahlandırmasına imkan verməyəcək”.

Teleqraf xəbər verir ki, bunu İsrail müdafiə naziri İsrael Kats deyib.

Nazir vurğulayıb ki, İsrail İrandakı Fələstin hərəkatının liderlərini aradan götürüb: “İranın və ya hansısa başqa tərəfin HƏMAS-ı yenidən silahlandırmasına imkan verməyəcəyik”.

Kats həmçinin İsrailin İrana qarşı hərbi əməliyyatlarının hələ başa çatmadığını bildirib: “İsrailin İranda və digər cəbhələrdə hələ də mühüm məqsədləri var. Onlara nail olmaq üçün hərbi-siyasi tədbirlər görəcəyik”.