BAKI, 14 sentyabr. TELEQRAF

“Hörmüz boğazı qısamüddətli açılacaq, orta müddət üçün isə vəziyyət sabitləşməlidir”.

Teleqraf xəbər verir ki, bunu Omanın energetika naziri Səlim əl-Əufi deyib.

“Oman Sultanlığının hələ də neft-qaz hasilatını davam etdirə bilməsindən və neft və mayeləşdirilmiş təbii qazın qiymətlərinin kəskin artımının hamı üçün davamlı olmamasından məmnunam”, - nazir bildirib.

Əl-Əufi qeyd edib ki, ixrac üçün çıxış nöqtələrinin şaxələndirilməsinə və alternativ ixrac imkanlarının müəyyənləşdirilməsinə təcili ehtiyac var.