BAKI, 27 avqust. TELEQRAF

İraq Silahlı Qüvvələri hökumətin silahlara dövlətin nəzarətinin təmin edilməsi planının icrasının davam etdiriləcəyini növbəti dəfə təsdiqləyib.

Teleqraf xəbər verir ki, bu barədə İraq Silahlı Qüvvələrin baş komandanının sözçüsü Sabah ən-Numan bildirib.

O qeyd edib ki, hökumət silahların dövlətin və onun təhlükəsizlik qurumlarının qanuni çətiri altında olması üçün bu məsələnin həllində israrlıdır.

Ən-Numan vurğulayıb ki, bu məqsədlə ixtisaslaşmış komissiya yaradılıb və açıq müzakirələr aparılır: “Bu, suverenlik məsələsidir. Həmçinin məzhəbçilik məsələsinin yenidən gündəmə gətirilməsinə və qərəzli şayiələrin yayılmasına imkan verməyəcəyik”.

Xatırladaq ki, İraq Baş naziri Əli əl-Zeydi İranın proksi qüvvələri də daxil olmaqla, ölkə ərazisindəki bütün silahlı qruplaşmalardan sentyabrın 30-dək silahlarını dövlətə vermələrini tələb edib. Baş nazir qoyulan müddət çərçivəsində müvafiq tələb yerinə yetirilməyəcəyi təqdirdə dövlətin sərt üsullara əl atacağını və qarşıdurmaya hazır olduğunu açıqlayıb.