BAKI, 18 avqust. TELEQRAF

“Suriya Prezidenti Əhməd Şaraa sələfi Bəşər Əsəd kimi davrana bilməyəcəyini bilir. Keçmiş hökumətin silahlı proksi qüvvələri vardı”.

Teleqraf xəbər verir ki, bunu İsrail rəsmisi ölkənin avqustun 18-də Suriyanın İdlib vilayətinə hava zərbələrini “Fox News”a şərh edərkən deyib.

“Çox həssas kəşfiyyat məlumatları əvvəlcədən və müxtəlif qurumların ən yüksək səviyyələrində ABŞ ilə paylaşılıb”, - o əlavə edib.

Rəsmi mənbə həmçinin İsrailin Suriyaya zərbələri barədə qeyd edib ki, Əhməd Şaraanın baş verənlərdən xəbərdar olmaması və ya nə baş verdiyini anlamaması ehtimalı da var. O, məlumatların son dərəcə məxfi xarakter daşıması səbəbindən əlavə təfərrüat verməkdən imtina edib.