BAKI, 26 fevral. TELEQRAF

ABŞ İranı “başından kəsmək” məqsədilə ölkənin Ali rəhbəri Əli Xameneiyə qarşı sui-qəsd variantını nəzərdən keçirir.

Teleqraf xəbər verir ki, bu barədə “Politico” mənbələrə istinadla məlumat yayıb.

ABŞ Prezidenti Donald Trampın müşavirləri İranın bombardman ediləcəyinə inanırlar. Nəşrin mənbəsi bildirib ki, ABŞ Tehranın nüvə obyektlərinə hücum variantını da nəzərdən keçirir.

Tramp administrasiyasına yaxın şəxslər hesab edirlər ki, ABŞ üçün daha əlverişlisi ilk zərbəni İsrailin endirməsi olardı: “İsrailin mümkün hücumu cavab reaksiya yaradacaq, bu da ABŞ-yə konfliktə qoşulmaq üçün əsas verəcək”.

Rəsmilərin sözlərinə görə, İran Vaşinqtonun müttəfiqinə güc tətbiq etsə, ABŞ vətəndaşları daha fəal şəkildə mümkün hərbi əməliyyatları dəstəkləyəcək. Bununla belə, mənbələr qeyd ediblər ki, ən ehtimal olunan ssenari ABŞ və İsrailin birgə hücumudur.