BAKI, 5 noyabr. TELEQRAF
“Pəhləvi ailəsi İrana qayıdış arzusundadır, onlar İslam Respublikası sistemini əvəz etmək və ölkənin rəsmi müxalifəti olmaq istəyirlər”.
Teleqraf xəbər verir ki, bunu İran İslam İnqilabı Keşikçiləri Korpusunun (SEPAH) keçmiş sözçüsü Ramazan Şərif deyib.
“Müəllimlər tələbələrə ölkənin tarixindən danışmalı və Pəhləvilər dövründə ölkəni zəif və dinsiz bir sülalənin idarə etdiyini söyləməlidirlər. İran xalqı inqilabdan əvvəl alçaldılmış bir xalq idi, Amerika və Pəhləvi tərəfindən zülmə məruz qalmışdı”, - o bildirib.
Xatırladaq ki, Pəhləvi ailəsinin İranda hakimiyyətinə 1979-cu ildə baş verən dövlət çevrilişi nəticəsində son qoyulub. O zaman çevrilişə rəhbərlik edən Ruhullah Xomeyni İranın sonuncu şahı Məhəmmədrza Pəhləvini devirib. Ailənin varisi hazırda ABŞ-də yaşayan Rza Pəhləvi hesab olunur.
