BAKI, 21 dekabr. TELEQRAF

Bu gün saat 19:03-də Azərbaycanda qış fəsli başlayıb.

Teleqraf xəbər verir ki, bununla da Şimal yarımkürəsində qış, Cənub yarımkürəsində isə yay fəsli start götürür.

Bu dövrdə Yer kürəsinin fırlanma oxu Günəşə nisbətən ən böyük bucaq altında yerləşir. Nəticədə Günəş günorta saatlarında üfüqdən ən aşağı hündürlükdə (26°2) səviyyəsində müşahidə olunur. Məhz bu səbəbdən ilin ən qısa gündüzü (9 saat 17 dəqiqə 22 saniyə) və ən uzun gecəsi (14 saat 42 dəqiqə 38 saniyə) qeydə alınır.

Astronomik hesablamalara görə, qış fəsli 88 gün 23 saat 42 dəqiqə 52 saniyə davam edəcək.