BAKI, 30 avqust. TELEQRAF

Azərbaycanın Milli Qəhrəmanı, Birinci Qarabağ müharibəsi şəhidi Allahverdi Bağırovun abidə kompleksinin inşası diqqət mərkəzindədir.

Bu barədə Teleqraf-a Milli Qəhrəmanın qızı Zümrüd Bağırova dməlumat verib.

"Atamın abidə kompleksinin layihəsi artıq hazırlanıb. Kompleksinin hazırlanmasının maliyyə məsələlərini deputat Ağalar Vəliyev üzərinə götürüb: "Kompleksin yerləşəcəyi məkan hələ müəyyənləşməyib.

Ağdamda abadlıq-quruculuq işləri bitdikdən sonra bu barədə daha dəqiq məlumat verə biləcəyik. Böyük ehtimalla komplekslə bağlı bütün işlərin yekunlaşması bərpadan sonrakı ərəfəyə nəzərdə tutulur".