BAKI, 28 aprel. TELEQRAF

Azərbaycan Dövlət Akademik Musiqili Teatrının aktyoru Möylə Mirzəliyev sabah yaşadığı evdən son mənzilə yola salınacaq. Dəfn mərasimi sabah olacaq.

Bu barədə Teleqraf-a mərhumun həyat yoldaşı Nəzifə Mirzəliyeva bildirib.

Onun sözlərinə görə, Möylə Mirzəliyev sabah "Dədə Qorqud" qəbiristanlığında dəfn ediləcək.

***

12:49

Azərbaycan Dövlət Akademik Musiqili Teatrının aktyoru Möylə Mirzəliyev vəfat edib.

Bu haqda Teleqraf-a mərhumun qızı Leyla Mirzəliyeva məlumat verib.

"Mən xəstəxanaya atamın yanına gəlmişdim. Atam mən gələndən sonra dünyasını dəyişdi", - L.Mirzəliyeva deyib.

Qeyd edək ki, Möylə Mirzəliyev bir müddət əvvəl Yeni Klinikanın Reanimasiya şöbəsinə yerləşdirilmişdi.

O, boyun fəqərələrində spinal stenoz diaqnozu ilə özəl tibb müəssisəsində transpedikulyar fiksasiya (implant) əməliyyatı olunmuşdu.