BAKI, 7 avqust. TELEQRAF
BMT-nin Ərzaq və Kənd Təsərrüfatı Təşkilatının (FAO) Ət Qiymətləri İndeksi 2026-cı ilin iyulunda orta hesabla 127,7 bənd təşkil edib.
Teleqraf təşkilata istinadən xəbər verir ki, bu göstərici iyun ayı ilə müqayisədə 3,6 bənd və ya 2,8% azdır.
Bununla belə, indeks ötən ilin eyni dövrü ilə müqayisədə 1,1 bənd və ya 0,8% yüksək olaraq qalıb.
Bu, 2026-cı ildə qeydə alınan ilk aylıq azalma olub və qoyun əti istisna olmaqla, bütün ət kateqoriyaları üzrə qiymətlərin aşağı düşməsi ilə əlaqədardır.
Quş ətinin qiyməti iyun ilə müqayisədə azalıb. Buna əsasən Braziliyada ixrac təkliflərinin yüksək olması nəticəsində qiymətlərin azalması səbəb olub.
Donuz ətinin qiyməti də Avropa İttifaqında təklifin çoxluğu və qlobal tələbin zəifliyi səbəbindən azalıb.
Mal ətinin qiyməti Asiyadan idxal tələbinin zəifləməsi fonunda azalıb.
Bunun əksinə olaraq, qoyun əti qiymətləri iyulda daha da artaraq yeni rekord səviyyəyə çatıb. Artıma Okeaniya regionunda ixrac üçün mövcud təklifin məhdud qalması və qlobal idxal tələbinin davamlı olması səbəb olub.
