Türk dövlətlərinin rəqabət qurumları olaraq ölkələrimizin və Türk cəmiyyətinin daha firavan, iqtisadi cəhətdən daha inkişaf etmiş olması və gələcəyə əmin addımlarla irəliləməsi üçün hər birimiz təkbaşına çox ciddi işlər görür, mübarizə aparırıq.

Teleqraf-ın Şuşaya ezam olunmuş əməkdaşı xəbər verir ki, bu barədə Türkiyə Rəqabət Qurumunun rəhbəri Birol Küle jurnalistlərə açıqlamasında deyib.

O qeyd edib ki, fəaliyyətlərimizi birləşdirərək, bir-birimizdən güc alaraq və bir sinerji yaradaraq irəliləməyimiz son dərəcə vacibdir.

"Son illərdə Türk dövlətləri iqtisadi baxımdan çox ciddi inkişaf nümayiş etdirir. Bu mənada, dayanıqlı böyümə, cəmiyyətlərimizin firavanlıq səviyyəsinə çatması və sosial rifahın yüksəldilməsi üçün əl-ələ verib çalışırıq.

Bu fəaliyyətlərdən birini də bu gün həyata keçiririk. Bu gün mühüm qərarlar qəbul edəcəyik. Birlikdə imza atdığımız ilk ortaq işimizi bir azdan müzakirə edəcəyik. Bununla yanaşı, fəaliyyətimiz sürəti azaltmadan davam edəcək”, - deyə B.Küle əlavə edib.