BAKI, 22 mart. TELEQRAF

Bu ilin yanvar-fevral aylarında taxıl, un, nişasta və süddən hazırlanan məhsullar, o cümlədən un qənnadı məmulatlarının ölkəyə idxalı ixracı 8,6 dəfə üstələyib.

Dövlət Gömrük Komitəsindən Teleqraf-a verilən məlumata görə, ötən iki ayda ölkəyə bu kateqoriyadan olan məhsulların idxalı 29 milyon 132,86 min ABŞ dollar, ixracı isə 3 milyon 385,38 min ABŞ dolları dəyərində olub.

Qeyd edək ki, hesabat dövründə taxıldan, undan, nişastadan və ya süddən alınan hazır məhsulların, həmçinin, un qənnadı məmulatlarının idxalı ümumi idxalın 0,7 faizini təşkil edib.