BAKI, 13 may. TELEQRAF

“Uşaqlığımdan bəri valideynlərimin vətən haqqında danışdıqlarını eşidə-eşidə böyümüşəm. Bu gün həm sevincliyəm, həm də kövrəyəm”.

Bunu Teleqraf-a açıqlamasında Şükürbəyli kəndinə qayıdan keçmiş məcburi köçkün Şəbnəm Məmmədova deyib.

O bildirib ki, doğma yurda altı ailə üzvü ilə birlikdə qayıdır:

“Bu gün bizim Qarabağa qayıdışımız Prezident Ilham Aliyev iradəsi, şəhidlərimizin qanı, qazilərimizin mübarizəsi sayəsində mümkün oldu. Ali Baş Komandan sağ olsun ki, biz gənc nəslə Qarabağa qayıtmaq, orada yaşamaq və yaratmaq imkanı verdi”, - deyə o əlavə edib.