BAKI, 22 iyul. TELEQRAF

“Bütün diqqətimizi “Qarabağ”la oyuna yönəltmişik. Rəqibə qarşı uğurlu çıxış etmək istəyirik”.

Teleqraf xəbər verir ki, bunu Bolqarıstan təmsilçisinin baş məşqçisi Xristo Yanev “Qarabağ”a qarşı keçirəcəkləri UEFA Avropa Liqasının II təsnifat mərhələsinin ilk oyunundan əvvəl mətbuat konfransında deyib.

Mütəxəssis qarşılaşmaya yaxşı hazırlaşmaq imkanlarının olduğunu bildirib:

“Ölkə çempionatındakı oyundan sonra futbolçularımız bərpa olunublar. “Qarabağ”ın ötən mövsüm Çempionlar Liqasında keçirdiyi görüşləri izləmişik. Rəqibi yaxşı təhlil etmişik və buna uyğun mübarizə aparacağıq”.