BAKI, 20 iyul. TELEQRAF

İspaniya millisinin qapıçısı Unai Simon 2026-cı il futbol üzrə dünya çempionatının ən yaxşı qapıçısı adına layiq görülüb.

Teleqraf xəbər verir ki, 29 yaşlı qolkiper mundialda keçirdiyi 8 oyunda cəmi bir qol buraxıb. O, yeganə qolu Belçika millisi ilə 1/4 final qarşılaşmasında (2:1) buraxıb.

Unai Simon turnir ərzində dünya çempionatları tarixinin ən uzun "quru" seriyasına imza ataraq 649 dəqiqə qol buraxmayıb. O, həmçinin bir dünya çempionatında ən çox – 7 oyunda qapısını toxunulmaz saxlamaqla yeni rekord müəyyənləşdirib.

İspan qapıçı bu mükafatı karyerasında ikinci dəfə qazanıb. Daha əvvəl bu uğura 2010-cu ildə əfsanəvi ispan qolkiper İker Kasilyas imza atmışdı.

Qeyd edək ki, Unai Simon 2018-ci ildən İspaniyanın "Atletik" (Bilbao) klubunun formasını geyinir. O, həmçinin İspaniya millisi ilə 2024-cü il Avropa çempionatı və 2022/2023 mövsümünün UEFA Millətlər Liqasının qalibi olub.