BAKI, 15 iyul. TELEQRAF

İspaniya milli komandası futbol üzrə dünya rekorduna şərik çıxıb.

Teleqraf xəbər verir ki, İspaniya yığması 2026-cı il dünya çempionatının yarımfinalında Fransanı 2:0 hesabı ilə məğlub edərək məğlubiyyətsiz oyunlar seriyasını 37 matça çatdırıb.

Bununla da “Qırmızı furiya” öz tarixinin ən uzun məğlubiyyətsiz seriyasını yeniləyib. Komanda daha əvvəl 2007–2009 və 2023–2026-cı illərdə 36 oyunluq seriyaya sahib idi.

İspaniya həmçinin 2018–2021-ci illərdə ardıcıl 37 oyunda məğlub olmayan İtaliya millisinin dünya rekordunu təkrarlayıb.

Qeyd edək ki, İspaniya yığması sonuncu dəfə 2023-cü ilin martında Şotlandiyaya 0:2 hesabı ilə məğlub olmuşdu.