PFL intellektual yarış keçirdi - Teleqraf-ın əməkdaşı qaliblər sırasında/FOTOLAR

BAKI, 14 iyul. TELEQRAF

Peşəkar Futbol Liqasının (PFL) təşkilatçılığı ilə idman jurnalistləri arasında 22 iyul - Milli Mətbuat Gününə həsr olunmuş intellektual yarış keçirilib.

Teleqraf xəbər verir ki, ənənə halını almış turnir 5-ci dəfə baş tutub.

Budəfəki yarışda 80-ə yaxın media nümayəndəsi iştirak edib. Komandalara Azərbaycan Premyer Liqasının 2026/2027 mövsümündə iştirak edəcək 12 klubun adları verilib. Yekunda Teleqraf-ın əməkdaşının da daxil olduğu "Şamaxı" komandası qalib olub. İkinci yeri "Sabah" , üçüncü yeri isə "Kəpəz" tutub.

Tədbirin sonunda "Şamaxı" komandasına medallar və kubok təqdim edilib. Həm qaliblər, həm də ikinci və üçüncü yerlərin sahibləri pul mükafatına layiq görülüb. Yarışın xanım iştirakçılarına xüsusi hədiyyələr, eyni zamanda Azərbaycan Kuboku mövzusunda suallara ən yaxşı cavab verən 4 komandanın üzvlərinə xatirə mükafatları verilib.