BAKI, 24 iyun. TELEQRAF

Futbol üzrə dünya çempionatının qrup mərhələsinin ikinci turunda Xorvatiya millisi Panama yığmasını 1:0 hesabı ilə məğlub edib.

Teleqraf xəbər verir ki, Kanadanın Toronto şəhərində keçirilən qarşılaşmada yeganə qolu 54-cü dəqiqədə Ante Budimir vurub.

İki turdan sonra L qrupuna 4 xalla İngiltərə millisi başçılıq edir. Qana yığmasının da aktivində 4 xal var. Xorvatiya 3 xalla üçüncü pillədə qərarlaşıb. Xalı olmayan Panama millisi isə pley-off mərhələsinə yüksəlmək şansını itirib.

Qrup mərhələsinin son turunda Panama İngiltərə, Xorvatiya isə Qana millisi ilə üz-üzə gələcək. Oyunlar iyunun 28-nə keçən gecə keçiriləcək.

Qeyd edək ki, dünya çempionatı ABŞ, Kanada və Meksikada təşkil olunur. İlk dəfə 48 komandanın iştirak etdiyi turnir iyulun 19-da başa çatacaq. Yarışın son qalibi Argentina millisidir.