BAKI, 8 dekabr. TELEQRAF
“Napoli” İtaliya A Seriyasında yeni uğura imza atıb.
Teleqraf xəbər verir ki, Neapol təmsilçisi buna 2025-ci ildə evdə keçirdiyi oyunlarda məğlub olmamaqla nail olub.
Antonio Kontenin rəhbərlik etdiyi komanda ölkə çempionatının cari il üçün son ev oyununda “Yuventus”u 2:1 hesabı ilə məğlub edib.
“Napoli” bununla da 1987-ci ildəki rekordunu təkrarlayıb.
Qeyd edək ki, “Napoli” 14 turdan sonra 31 xalla A Seriyasının turnir cədvəlinə liderlik edir.
