BAKI, 16 noyabr. TELEQRAF
Portuqaliya millisi DÇ-2026-ya vəsiqəni təmin edib.
Teleqraf xəbər verir ki, F qrupunda yer alan Roberto Martinesin rəhbərlik etdiyi kollektiv buna son oyunda evdə Ermənistan millisini 9:1 hesabı ilə darmadağın edərək nail olub.
Xallarının sayını 13-ə çatdıran komanda qrup lideri olub. İkinci sırada isə 10 xalla İrlandiya seçməsi qərarlaşıb.
“Draqau” stadionunda təşkil olunan görüşdə meydan sahiblərindən Renato Veyqa (7-ci dəqiqə), Qonsalu Ramuş (28), Joau Neveş (30,41, 81), Brunu Fernandeş (45+3 - penalti, 52, 72 - penalti) və Fransişku Konseysau (90+2) fərqlənib. Qonaqlardan isə yeganə qolu 18-ci dəqiqədə Eduard Spertsyan vurub.
Qeyd edək ki, DÇ-2026 11 iyun - 19 iyul tarixlərində ABŞ, Meksika və Kanadada keçiriləcək.
