BAKI, 24 aprel. TELEQRAF

“Arda Gülər ​​mərkəzdə oynadı və əla görünürdü. Onun oyun qurmaq bacarığı fenomenaldır. O, bu mövqedə daha tez-tez oynayacaq”.

Teleqraf xəbər verir ki, bu sözləri “Real Madrid”in baş məşqçisi Karlo Ançelotti “Xetafe” ilə oyundan sonra deyib.

Təcrübəli mütəxəssis oyunu belə şərh edib: “Məqsəd üç xal qazanmaq idi. Birinci hissə yaxşı, ikinci yarı çətin oldu. Müdafiədə daha etibarlı oynamağa çalışdıq, lakin hücumda effektivliyimiz yox idi”.

Yada salaq ki, İspaniya La Liqasının 33-cü turunda “Real Madrid” səfərdə 1:0 hesabı ilə “Xetafe”ni məğlub edib.

Oyunun taleyini həll edən qolu 21-ci dəqiqədə Türkiyə yığmasının gənc ulduzu Arda Gülər vurub.