BAKI, 5 mart. TELEQRAF
Futbol üzrə Azərbaycan yığmasının futbolçusu Coşqun Diniyevin heyətində yer aldığı “Çorum” klubu Türkiyə 1-ci liqasında növbəti görüşünü keçirib.
Teleqraf xəbər verir ki, 32-ci turda azərbaycanlı futbolçunun komandası öz meydanında “Erokspor”la heç-heçə edib – 3:3.
Qonaq komanda fasiləyə 3:1 öndə yollanıb. Meydan sahibləri ikinci hissədə əzmkarlıq nümayiş etdirərək, məğlubiyyətdən yaxa qurtarıblar.
C.Diniyevin adı oyunun iştirak ərizəsində olsa da, baş məşqçi azərbaycanlı yarımmüdafiəçinin xidmətinə ehtiyac duymayıb.
Bu matçdan sonra “Çorum” 32 oyundan 47 xalla 7-ci yerdədir.
