BAKI, 4 aprel. TELEQRAF
UEFA 2023/2024 mövsümü üçün AFFA-ya 7 milyon 119 min avro (13 milyon 418 min 603 manat) həmrəylik ödənişi edib.
Teleqraf xəbər verir ki, bu barədə Avropa futbol qurumunun 2023-2024-cü illəri əhatə edən maliyyə hesabatında bildirilir.
Məbləğin 1 milyon 969 min avrosu milli komandalara, 5 milyon 150 min avrosu isə klub futboluna yönəldilib.
Milli komandalar üçün ödənişlərdən 1 milyon 669 min avro illik həmrəylik ödənişi, 300 min avro isə sayca 5-ci "HatTrick" proqramı çərçivəsində sərmayə üçün verilib.
UEFA Çempionlar Liqasında iştirak edən "Qarabağ"a illik həmrəylik ödənişi üçün 700 min avro, Çempionlar Liqasında mübarizəni dayandırması səbəbindən 222 min avro, Avropa Liqasında mübarizəni dayandırdığı üçün 111 milyon avro ödənilib.
Çempionlar Liqasında iştirak etməyən digər 9 kluba ümumilikdə 1 milyon 955 min avro ödənilib.
2 milyon 162 min avro isə UEFA Konfrans Liqasında mübarizəni dayandıran klublara - "Sabah", "Neftçi" və "Qəbələ"yə verilib.
